لما تفكر تاخد كورس فيدا لازم تركز على شوية حاجات مهمة تساعدك في الإختيار
أولا مين إللي بيدربك على الكورس وهل الشخص ده عنده أدوات توصيل المعلومة فعلا وعنده ضمير في الشغل ولا هو جاي يستعرض عليك ويحكي لك عن إنجازاته الفظيعة إللي ما حصلتش في كوكب الأرض والمجموعة الشمسية
ثانياً هل الكوتش إللي بيدربك بيسهل لك العملية التعليمية ولا بيصعبها عليك وبيحسسك أنك هتطلع المريخ
ثالثاً محتوى الكورس فيه إيه
مثلا أسأل عن الجمع والطرح والضرب والقسمة المنتهية وغير المنتهية والكسور والعمليات عليها من جمع وطرح وضرب وقسمة وغيرها والجذور التربيعية والتكعيبية وهل عنده قوانين يقدر من خلالها يحسب أي جذر تربيعي وتكعيبي بدون إستخدام آلة حاسبة وكمان يطلع لك ناتج صحيح حتى لو العدد ده مالوش جذر صحيح والنسبة المئوية والمعادلات الجبرية والاحتمالات والمسائل اللفظية وإزاي يحول الكسور لنسبة مئوية
وإزاي يحسب التربيع والتكعيب عن طريق المعادلات الجبرية وغيرها كتيييييير من المعلومات والقوانين المهمة التي بدورها تسهل العملية التعليمية والتدريبية داخل الكورس
رابعا البيئة التدريبية إللي هتكون موجود فيها هل هتساعدك على التقدم ولا الموضوع كله أوامر واعمل وما تعملش حتى لو مش مقتنع المهم تنفذ أوامر القائد العبقري بحر العلم وترعة المفهومية
خامسا هل بينطلب منك فلوس تاني بعد ما بتدخل ولا إللي اتفقت عليه في الأول بتلاقيه موجود وتلاقي الأفضل منه كمان
سادسا هل لو حصل عندك ظرف وتأخرت في دفع قسط معين من الأقساط بيتم التعامل معك بطريقة إنسانية ولا الفلوس أهم منك يا فندم وادفع عشان تعدي ومفيش حضور محاضرات إلا لما تدفع الأول
سابعاً هل لو بعت رسالة للكوتش بتاعك بيرد عليك ويلحقك ولا مش بيعبرك أصلا ويقولك مش فاضي روح كلم فريق العمل
ثامناً هل لو عندك مشكلة في الفهم وطلبت الكوتش يعيد لك مرة واتنين وتلاتة هيعمل كدة بدون ملل ولا هيقولك هي كدة وأنت إللي فهمك بطئ
تاسعاً هل المحاضرة سهلة وبسيطة وممتعة ولا الموضوع كله ماشي دش ومعلومات بدون مهارات وتطبيقات ولازم تطبق بنفسك عشان نعرف المعلومة ثبتت معاك ولا لأ
عاشرا عشان كدة كورس الفيدا مع تريبل ماس هي اختيارك الأول في مصر والوطن العربي لأن كل إللي بتحلم بيه وأكتر موجود في الكورس وهتشوف ده بنفسك لما تحجز معانا إن شاء الله